81618
2014-10-11
ووتەی بەڕێز بەڕێوەبەری هاتوچۆی هەولێر

ووتەی بەڕێز بەڕێوەبەری تازەی هاتوچۆی هەولێر( لیواى هاتوچۆ / هێرش احمد محمد) بە بۆنەی دەست بەكاربوونییەوە ..
من وەكو بەڕێوەبەری هاتوچۆی هەولێر هەوڵ دەدەم هەرچی لە سنووری دەسەڵاتی من دابێت بەو پەڕی ئەمەك و دڵسۆزییەوە ئەو ئەركەی كە پڕە لە بەرپرسیارەتی بەرامبەر بە ( مرۆڤ ـ هاوڵاتیان ـ شەقام و ئۆتۆمبێلەكان ) لە ئەستۆ بگرم و هەوڵی جدی و بەرە و باشتر بردنی ڕەوشی هاتوچۆ و پێشخستنی سیستەمەكانی هاتووچۆ و بەگشتی ترافیك دەدەم .
بە جۆرێك لە پێناو كەم كردنەوەی زیانە گیانی و ماڵییەكان كاردەكەین و زەمینەسازی بۆ بەرەو ڕۆشنبیركردنی هاوڵاتیان لە ڕووی هۆشداری و پابەند بوون بە سەرجەم یاساو ڕێنماییەكانی هاتوچۆوە دەسازێنین .
وە لە پێناو كەمكردنەوەی جەنجاڵی و نەخنكاندنی شەقامەكان كە زۆرجار كیشە بۆ هاوڵاتیان دروست دەبێت..
لە مییانەی پڵان و بەرنامەكانماندا هەوڵدەدەین هاوسەنگییەك دروست بكەین لە نێوان هەریەكە لە ( مرۆڤ ـ ڕێگا و ئۆتۆمبێل ) ..
وە هەمیشە دەبێت ئەوەمان لەبیر بێت كە گیانی هاوڵاتیان لە هەموو شتێك گرنگترە بۆ ئێمە ...
چونكە بێگومان هەموو ئەو ڕەنج و هەوڵانەی كە دەدرێن هەن لە پێناو فەراهەم كردنی كەشێكی گونجاو لە ڕووی هاتن و چوونی هاوڵاتیان بۆ ئەوەی هەست بە متمانە و دڵنیایی بكەن لەكاتی لێخوڕیندا.
وە دادپەروەرانە مامەڵە دەكەین لەگەڵ هەریەكە لە سیستەمە سزاییەكاندا و بە شێوازێك كە هاوڵاتیان خۆیان هەست بە بەرپرسیارەتی و پابەند بوون بكەن بەرامبەر بە یاسا و ڕێساكانی هاتوچۆ .